Áramót...

 

Kæru ættingjar og vinir, nú líður að áramótum og vil ég óska ykkur

gleðilegs nýs árs og farsældar á komandi ári

með þökk fyrir allar góðar stundir á árinu sem er að líða.

 

Áramótakveðja

Þrúður og Co.

Gleðileg Jól ....

Elsku ættingjar og vinir ég óska ykkur gleðilegra jóla.

Jólakveðja frá Þrúði

Þorláksmessa ...

Ég vaknaði snemma og dreif mig fram og fór að sjóða hangikjötið sem við ætlum að borða það í kvöld með uppstúf, laufabrauði og öllu tilheyrandi.  Gunni fór að vinna í morgun en ungarnir eru steinsofandi. Ég er búin að öllu sem gera þarf fyrir jólin nema að þrífa baðið það verður þrifið í kvöld.

Undanfarin kvöld erum við búið að vera meira og minna að hjálpa sys og hennar fjölskyldu að gera húsið klárt svo þau geti flutt inn fyrir jól og það tókst þau sváfu fyrstu nóttina þar í nótt, á eftir ætla ég til hennar en núna með jólapakkana og líka til mömmu og pabba.

Ég sit bara hér og fylgist með barnaefninu í sjónvarpinu og bíð eftir að geta slökkt undir hangikjötinu áður en ég legg af stað.

Þar til á morgun, Þrúður

Jólakveðja frá mér til þín :O)

Hér er smá jólakveðja frá mér 

smella hér: http://www.elfyourself.com/?id=1192317186

Hrakfallabálkur.....!!

Hvað er málið með hana dóttur mína .......hún er svoddan hrakfallabálkur að það hálfa væri nóg, ekki langt síðan við eyddum mörgum klukkutímum á slysó vegna hnefahöggs sem hún fékk og svo aftur í dag þá er pabbi hennar búinn að eyða hálfum degi með henni á slysó því hún flaug á andlitið í hálkunni í morgun, rotaðist, blóðnasir og heilahristingur.....getur einhver sagt mér hvaða óheillastjörnu hún fæddist undir, því það er ekki eitt heldur allt þegar hún á í hlut.  En ég elska hana útaf lífinu, hún er ljósið mitt

Vegabréf....

Jæja þar sem við litla fjölskyldan erum að hugsa um utanlandsferð á næsta ári þá fórum við að kanna hvort ekki allir passar væru í góðu standi og svona og komumst að því að Helgu vantaði nýjan passa, þannig að við mæðgur fengum okkur bíltúr í morgun og sóttum um nýtt vegabréf fyrir dömuna....borgar sig að vera tímanlega í þessu sko hehehe

 Meira seinna, Þrúður

Það fer að koma að því .....

Bara láta vita af því að það fer að koma tími á nýtt blott

Kærleikur..........

Fann þetta á síðunni www.brudkaup.is því ég var að leita hvað 20 ára brúðkaupsafmæli er og fann út að það er postulínsbrúðkaup, skelli inn hér fyrir neðan þessum áralista, gaman að hafa hann til hliðsjónar.

En ég og Gunni eigum s.s. 20 ára brúðkaupsafmæli 4.júní 2008 og er stefnan hjá okkur að vera einhversstaðar í útlöndum, nánar tiltekið sólarlöndum og er stefnan tekin á Tenerife.

Já ég veit það er ótrúlegt að það skulu vera nærri liðin 20 ár síðan við staðfestum sambúð okkar og létum skíra dóttur okkar á sama degi eða 4.júní 1988.

Bestu vinir mínír eiga líka 20 ára brúðkaupsafmæli á næsta ári og auðvitað væri meiriháttar að fara eitthvað með þeim thíhí en það verður kannski á 25 ára afmælinu

Kærleikurinn

Þótt ég talaði tungum  manna og engla,
en hefði ekki kærleika,
væri ég hljómandi málmur eða hvellandi bjalla.
Kærleikurinn er langlyndur,
hann er góðviljaður.
Kærleikurinn öfundar ekki.
Kærleikurinn er ekki raupsamur,
hreykir sér ekki upp.
Hann gleðst ekki yfir óréttvísinni,
en samgleðst sannleikanum.
Hann breiðir yfir allt,
trúir öllu,
vonar allt,
umber allt.
Kærleikurinn fellur aldrei úr gildi.

1 ár - pappírsbrúðkaup
2 ár - bómullarbrúðkaup
3 ár - leðurbrúðkaup
4 ár - ávaxta- og blómabrúðkaup
5 ár - trébrúðkaup
6 ár - sykurbrúðkaup
7 ár - ullarbrúðkaup
8 ár - bronsbrúðkaup
9 ár - leir og/eða pílubrúðkaup
10 ár - tinbrúðkaup
11 ár - stálbrúðkaup
12 ár - silkibrúðkaup
12 og hálft ár – koparbrúðkaup
13 ár – knipplingabrúðkaup
14 ár – fílabeinsbrúðkaup
15 ár - kristallsbrúðkaup
20 ár - postulínsbrúðkaup
25 ár - silfurbrúðkaup
30 ár - perlubrúðkaup
35 ár - kóralbrúðkaup
40 ár - rúbínbrúðkaup
45 ár - safírbrúðkaup
50 ár - gullbrúðkaup
55 ár - smaragðsbrúðkaup
60 ár - demantsbrúðkaup
65 ár - kórónudemantabrúðkaup
70 ár - járn og/eða platínumbrúðkaup
75 ár - atóm og/eða gimsteinabrúðkaup

Læt þetta duga í bili,,,,kveðja

Þrúður

Rugluð....

Jæja ég er nú orðin svo rugluð að ég varla veit hvað ég heiti........Málið er að við fjölskyldan erum að hugsa um að fara sólarlandaferð næsta sumar og ég bara veit ekkert hvert við ættum að fara.  Mig langar að fara til Rhodos þar sem ég var fyrir rúmum 20 árum en er bara svo hrædd við að verða fyrir vonbrigðum því það var svo gaman þá.  Þannig að ég geri varla annað þessa dagana en að liggja yfir netinu að skoða aðra möguleika, það er t.d. Tenerife, Lanzarote, Mallorca, Costa de Sol, held að þetta sé svona það sem við erum að skoða.  Þannig ....................garg hehe

Allar tillögur eru vel þegnar sko

 

Nýr bíll.... :)

Jæja það var verið að heimta blogg hehe...........Galloper er látinn eða svona næstum því , þegar búið var að skipta um túrbínuna og Galli fékk að ganga í soldinn tíma þá fór hann að gefa frá undarleg hljóð og hann var hlustaður með alls konar rörum og pípum .... og kom í ljós að vélin er að gefa sig.  Þeir segja að það sé hægt að gera við hana og þannig en við ákváðum að vera ekkert að standa í því heldur fengum okkur bara nýjan bíl.

Fengum okkur Nissan X-Trail 2002 árg. sjálfskiptan og ekkert smá flottur, hann er svona ljósgrár með ljósu leðuráklæði, ég hef aldrei átt svona flottan bíl, nema kannski þegar við keyptum löduna nýja úr kassanum 1988 hehe.

Þannig að ef þið vitið um einhvern laghentan sem vill kaupa Galla þá bara látið þið mig vita

 Núna eru bara allir í útlöndum, Unnur og tengdamamma nýkomnar frá London og fengu algjört kaupæði skilst mér .... bara gott hjá þeim

Og svo eru mamma, Bergdís sys og tengdamamma hennar úti í Minneapolis alveg að missa sig hehehe bara ennþá betra  ég hefði svosem alveg viljað vera með þeim .. en það kemur kannski að því seinna.

 

Læt þetta duga núna...ástarkveðjur, Þrúður