Landsliðið !!!

Jæja ... vitiði hvað ?

Hann sonur minn var valinn í úrtakshóp fyrir 1992 landslið karla

Við erum auðvitað mjög stollt af honum og meira segja Gunni sagði "ertekki að djóka, drengurinn búinn að toppa kallinn bara" þegar ég hringdi í hann í dag til að segja honum fréttirnar

Hér er slóðin: http://www.hsi.is/default.asp?cat_id=49&module_id=220&element_id=3959

En það styttist enn frekar í sólarlandaferðina margumræddu hehe eða 10 dagar þangað til.

Vildi bara segja ykkur fréttirnar, meira síðar.

koss&knús Þrúður

23 dagar.

Jæja.. það er bara kominn heill mánuður síðan ég bloggaði síðast... vá hvað tíminn flýgur hratt og það sést best á því að núna eru bara 23 dagar þangað til við förum til Tenerife og við sem pöntuðum ferðina um jólin.. Það er að sjálfsögðu komin spenna í alla eða aðallega mig og dótluna hehe feðgarnir eru svona aðeins rólegri yfir þessu öllu saman.  Ég er sú eina sem hef smá reynslu af svona sólarlandaferð frá því ég fór til Rhodos í Grikklandi 1985...... já einmitt það er orðið soldið langt síðan sko hehehe en kominn tími núna og getum við þá loksins notað sólarvörnina sem Gunni keypti áður en þeir feðgar fóru til Svíþjóðar í fyrra með handboltaliði Boga, konan í apótekinu sagði nefnilega að það væri alltaf svo mikil sól í Gautaborg að það margborgaði sig að vera með sólarvörn en híhí það rigndi sko allan tímann.

En þessi ferð á eftir að verða svona bæði hvíldar og skemmtiferð, við höfum jú aldrei farið öll saman til útlanda, þannig að það er kominn tími til.  Vonandi á gengið eftir að lækka eitthvað áður en við förum því það er í sögulegu hámarki núna úffff.

Ég veit ekki hvort nokkur annar fylgist með þessu bloggi mínu nema kannski Hrafnhildur vinkona og kannski Linda vinkona, þannig að það væri gaman að fá kannski comment eða kvitt í gestabók ef það eru einhverjir aðrir sem kíkja.

Læt þetta duga í bili en ég lofa að skella inn allavega einu bloggi áður en við förum í loftið

koss og knús á ykkur, Þrúður

Listaverk...

Ég var að eignast þetta málverk, það heitir "Þoka fyrir vestan" og er málað af Þóru Einarsdóttur.

Já það borgar sig að vera í listaklúbb sko

Smá ábending ...

Vildi bara láta ykkur vita að það eru 2 mánuðir í Tenerife eða 8 vikur eða 60 dagar eða 1440 klukkustundir eða 86.400 mínútur

Svona verðum við Gunni eftir nkl. 2 mánuði 

 

 

hmm nei nei ég er ekkert að telja  

Later folks, Þrúður 

Árshátíð á morgun....

Jæja á morgun er hin langþráða árshátíð Kaupþings og mín bara keypti sér flottan kjól og skó og ætlar sko aldeilis að vera fín, fer svo í blástur í fyrramálið.  En ég segi ykkur nánar frá þessu seinna.

Helga mín fór í hálskirtlatöku á fimmtudaginn fyrir viku síðan og kominn tími til því kirtlarnir voru orðnir mjög stórir og ljótir og náðu langt niður í háls, þannig að hún er búin að vera heima frá vinnu til að jafna sig og er öll að koma til, farin að geta borðað alminnilega.

Við mæðgurnar erum alveg búnar að halda okkur frá gosi og nammi og erum bara hressar á því.  Gunni fór til læknis í vikunni til að fá læknisvottorð til að endurnýja skotvopnaleyfið og þá kom í ljós að kallinn er aðeins farinn að sjá illa með öðru auganu en samt ekki það illa að hann fékk vottorðið.  Síðan er hann að fara í sneiðmyndatöku með hnéð því hann er búinn að vera drepast í því öðru hvoru eftir að hann fékk 6hjól yfir sig.  Og ekki nóg með það þá er hann búinn að vera með naflaslit í þó nokkurn tíma og ákvað nú að spyrja doktorinn aðeins út í það að láta laga það eða hvort þetta væri bara í lagi, en þar sem doktorinn veit að Gunni fer mikið á fjöll og svona þá sagði hann við Gunna...."jú jú þetta er svo sem í lagi en ef eitthvað gerist (einhverjir þarmar eða e-h þarna í naflanum slitni t.d.) þá gæti það verið um líf og dauða að ræða að komast á spítala, en ég get bent þér á lækni sem getur lagað þetta" ..... þá sagði Gunni .... " já já einmitt það ...heyrðu hvað er nafnið á þessum lækni"   sem sagt þá er Gunni líka að fara til læknis til að athuga með þetta naflaslit.

Bogi er bara að standa sig í handboltanum (æfir og spilar með 4.fl.) og þjálfari 3.fl. biður hann oft um að koma og æfa og spila með þeim.  Svo fara nú samræmdu prófin að dynja á honum þannig að drengurinn verður að fara að hysja upp sig og læra alminnilega...úffffff ég er stressuð mamma hehehe

Svo styttist áfram í ferðina okkar til Tenerife og ég bókstaflega er komin þangað hehehe allavega í huganum, er mikið á netinu að skoða hitt og þetta og googla hitt og þetta varðandi Tenerife, en ég veit að ég get leitað í upplýsingabanka um Tenerife hjá Hrafnhildi vinkonu og svo er Kristín í bankanum nýkomin heim frá Tenerife.

Jæja ég hef ekki bloggað svona mikið í langan langan tíma þannig að ég læt þetta duga núna.  Og segi bara skál ... á morgun sko hehehe

kveðja Þrúður

Snillingur.......og líka voða sætur ;O)

Eins gott að reyna ekki um of á þolrifin í okkur konum!!

----Þegar konur eldast. 

Grein eftir Jón Jónsson 

Það er mikilvægt fyrir karlmenn að muna, að eftir því sem konur eldast 

verður erfiðara fyrir þær að halda sömu gæðum í húsverkunum og þegar þær 

voru ungar. Þegar þú tekur eftir þessu, reyndu ekki að æpa á hana. Sumar 

konur eru ofurviðkvæmar, og það er ekkert verra til en ofurviðkvæm kona. 

Ég heiti Jón. Ég ætla að segja ykkur hvernig ég tókst á við þetta ástand 

varðandi konuna mína – hana Siggu. Þegar ég settist í helgan stein fyrir 

nokkrum árum, þurfti Sigga auðvitað að fá sér heildagsvinnu meðfram 

hlutastarfinu, bæði til þess að auka tekjur heimilisins og halda sparnaði 

okkar hjóna gangandi. Fljótlega eftir að hún fór að vinna tók ég þó eftir 

að aldurinn fór að sjást á henni. 

Ég kem venjulega heim úr golfi á sama tíma og hún kemur heim úr vinnunni. 

Þó hún viti hvað ég er svangur, þá þarf hún næstum alltaf að hvíla sig í 

hálftíma áður en hún fer að elda matinn. Ég æpi þó ekki á hana. Í

staðinn 

segi ég henni að taka þann tíma sem hún þarf og vekja mig bara þegar 

maturinn er kominn á borðið. Ég borða venjulega hádegismat í 

“Heiðursmannagrillinu” í klúbbhúsinu þannig að það er auðvitað ekkert

á 

dagskránni að fara út að borða. 

Áður fyrr var Sigga vön að vaska upp um leið og við vorum búin að borða. 

Nú er hinsvegar ekkert óvenjulegt að það bíði jafnvel í nokkra tíma. Ég 

geri það sem ég get með því að minna hana á það á nærgætinn hátt að 

diskarnir þvoi sig ekki sjálfir. Ég veit að hún kann að meta þetta, þar 

sem það virðist hvetja hana til að klára uppvaskið áður en hún fer að 

sofa. 

Annað einkenni öldrunar er kvörtunaráráttan held ég. Til dæmis heldur hún 

því fram að það sé erfitt að finna tíma til að greiða reikningana í 

matartímanum. En strákar, við lofuðum að standa með þeim í blíðu og 

stríðu, svo ég brosi bara og býð fram hvatningu. Ég segi henni bara að 

dreifa þessu á tvo til þrjá daga. Þannig þarf hún ekki að flýta sér eins 

mikið. Ég minni hana líka á að þótt hún missi af matartímanum af og til sé 

það allt í lagi ( þið vitið hvað ég meina ). Mér finnst reyndar nærgætni 

einn af mínum betri kostum. 

Þegar hún vinnur einfaldari verkefni, virðist hún halda að hún þurfi 

fleiri hvíldarstundir. Hún varð til dæmis að taka pásu þegar hún var 

einungis hálfnuð með að slá blettinn. Ég reyni að vera ekki með uppistand. 

Ég er sanngjarn maður. Ég segi henni að útbúa sér stórt glas af 

nýpressuðum köldum appelsínusafa og setjast í smástund. Og þar sem hún er 

að gera þetta, bið ég hana að blanda einn fyrir mig í leiðinni. 

Ég veit að væntanlega lít ég út eins og dýrlingur vegna þess hvernig ég 

styð hana Siggu mína. Það er ekkert auðvelt að sýna svona mikla 

tillitssemi. Mörgum karlmönnum finnst það erfitt. Og mörgum finnst það 

alveg ómögulegt ! Það veit enginn betur en ég hversu pirrandi konur verða 

þegar þær eldast. 

En strákar, ef þið hafið lært það af þessarri grein að vera nærgætnari og 

minna gagnrýnir á konurnar ykkar sem eru að eldast – lít ég svo á að þetta 

hafi verið þess virði að setja á blað. Við megum ekki gleyma því að við 

fæddumst á þessa jörð til hjálpa hver öðrum. 

Kveðja, 

Jón Jónsson 

Athugasemd ritstjóra: 

Jón Jónsson lést skyndilega þann 27. maí sl. af blæðingum í endaþarmi. 

Samkvæmt lögregluskýrslu fannst Calloway extra löng 50 tommu Big Bertha 

golfkylfa á kafi í rassgatinu á honum, þannig að aðeins stóðu tíu cm af 

handfanginu út, og við hliðina var sleggja. 

Sigríður konan hans var handtekin og ákærð fyrir morðið. Kviðdómurinn sem 

eingöngu var skipaður konum var 15 mínútur að komast að niðurstöðu sem var 

þessi: Við föllumst á það sem fram kemur í vörn Sigríðar að Jón hafi 

einhvern veginn, án þess að gera sér grein fyrir því, sest ofan á eigin 

golfkylfu.

Rimlar hugans............

Jæja þá er ég loksins búin að lesa þessa bók, ég get nú ekki sagt að þetta sé besta bók sem ég hef lesið og ekki heldur næstbesta.... hmmm .......   mér fannst alltaf verið að segja frá sömu hlutunum aftur og aftur og ég skil ekki afhverju rithöfundurinn þarf alltaf að vera að segja frá sjálfum sér þegar hann er að skrifa ástarsögu annarra, og mér fannst vanta einhvernveginn endi á þetta, hvernig Einar og Evu reiðir af í dag t.d. ....kannski bara ég, en allavega myndi ég ekki mæla með þessari lesningu við vini mína.  Ég eiginlega las þessa bók bara til að segja að ég hafi lesið hana og klárað hana.

Mér fannst gaman að lesa um Einar og Evu og þeirra mál, samt of mikil endurtekning, en hafði engan áhuga á að vita hvað rithöfundurinn væri að gera, hann getur bara skrifað ævisögu seinna...

 Bæ í bili, þarf að finna mér góða hasar/ástarsögu til að lesa næst, Þrúður

20 ár !!!!

Vá getiði ímyndað ykkur ? það eru 20 ár síðan ég var uppá fæðingardeild og beið eftir því að eiga fyrsta barnið mitt.  Já hún Helga mín er orðin 20 ára hvorki meira né minna.  Mér finnst það alveg ótrúlegt því mér finnst ég ekki vera orðin 20 árum eldri hehehe

En ég óska henni innilega til hamingju með daginn sem hún er búin að vera bíða eftir svo lengi finnst henni allavega hehehe loksins orðin 20 ára segir hún.

kveðja Þrúður mamma

Blogg....

Jæja...hvað segið þið gott ? ég segi bara allt fínt.  Það er búið að vera nóg að gera hjá öllum undanfarið, vinna, sundleikfimi, leikhúsæfingar, handboltaæfingar og leikir.

Já ég skráði mig og dótluna í sundleikfimi og er það bara nokkuð gaman, maður tekur þó nokkuð á en samt er þetta létt og skemmtilegt.  Svo er Helga búin að vera á hverju kvöldi uppí leikhúsi að æfa og eru sýningar byrjaðar þannig að hún getur aðeins farið að slaka á á kvöldin.

Það er nú svo sem ekki mikið að frétta að öðru leyti, mamma og sys búnar að liggja í leiðindaflensu sem ég vona 7-9-13 að banki ekki uppá hér á þessu heimili.....

Nú svo er Gunni alltaf í auglýsingum og nú síðast í mjólkurauglýsingunni....og einni í Pressunni.  Ég veit svo sem ekki hvað ég að bulla meira ..... en það styttist alltaf meir og meir í sumarið þó það sé enn langt undan hehehe en við erum búin að panta okkur ferð til Tenerife í byrjun júni og getum við varla beðið eftir því og eru því allar leiðbeiningar og upplýsingar um Tenerife vel þegnar

Læt þetta duga í bili, elska ykkur